ಅಕ್ಟೋಬರ್ 16 ರಿಂದ ಟೀಂ ಇಂಡಿಯಾ ಮತ್ತು ನ್ಯೂಜಿಲೆಂಡ್ ನಡುವೆ ಟೆಸ್ಟ್ ಸರಣಿ ಆರಂಭವಾಗಲಿದೆ. ಮೊದಲ ಪಂದ್ಯ ಬೆಂಗಳೂರಿನ ಚಿನ್ನಸ್ವಾಮಿ ಮೈದಾನದಲ್ಲಿ ನಡೆಯಲಿದೆ. ಈ ಪಂದ್ಯದಲ್ಲಿ ಭಾಗಿಯಾಗಲು ಈಗಾಗಲೇ ನಾಯಕ ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ರಿಷಭ್ ಪಂತ್ ಸೇರಿದಂತೆ ಟೆಸ್ಟ್ ಆಟಗಾರರು ಬೆಂಗಳೂರಿನಲ್ಲಿ ಅಭ್ಯಾಸ ಆರಂಭಿಸಿದ್ದಾರೆ.
ಬೆಂಗಳೂರು ಹೇಳಿ ಕೇಳಿ ದ್ರಾವಿಡ್ ಗೆ ತವರು. ಹೀಗಾಗಿ ತಮ್ಮ ತವರಿಗೆ ಬಂದ ಟೀಂ ಇಂಡಿಯಾ ಸ್ನೇಹಿತರನ್ನು ಭೇಟಿ ಮಾಡಲು ರಾಹುಲ್ ದ್ರಾವಿಡ್ ಎನ್ ಸಿಎಗೆ ಬಂದಿದ್ದಾರೆ. ನೆಟ್ ಪ್ರಾಕ್ಟೀಸ್ ಮಾಡುತ್ತಿದ್ದ ರೋಹಿತ್, ಕೊಹ್ಲಿ, ರಿಷಭ್ ಜೊತೆ ನಗು ನಗುತ್ತಾ ಮಾತನಾಡುತ್ತಿರುವ ವಿಡಿಯೋ ವೈರಲ್ ಆಗಿದೆ. ಇದನ್ನು ನೋಡಿ ನೆಟ್ಟಿಗರು ವಾಲ್ ಮತ್ತೆ ಟೀಂ ಇಂಡಿಯಾಗೆ ಬನ್ನಿ ಎನ್ನುತ್ತಿದ್ದಾರೆ.
