ಮುಂಬೈ ಟೆಸ್ಟ್: ದಾಖಲೆಯ ಅಂತರದಲ್ಲಿ ಗೆದ್ದ ಟೀಂ ಇಂಡಿಯಾ
ಟೀಂ ಇಂಡಿಯಾ ನೀಡಿದ 540 ರನ್ ಗಳ ಬೃಹತ್ ಮೊತ್ತ ಬೆನ್ನತ್ತುವಲ್ಲಿ ಸಂಪೂರ್ಣ ವಿಫಲವಾದ ನ್ಯೂಜಿಲೆಂಡ್ 167 ರನ್ ಗಳಿಗೆ ಆಲೌಟ್ ಆಯಿತು. ನಿನ್ನೆ 5 ವಿಕೆಟ್ ನಷ್ಟಕ್ಕೆ 140 ರನ್ ಗಳಿಸಿ ದಿನದಾಟ ಮುಗಿಸಿದ್ದ ಕಿವೀಸ್ ಗೆ ಇಂದು ಜಯಂತ್ ಯಾದವ್ ಕಂಟಕವಾದರು.
ಒಂದೇ ಓವರ್ ನಲ್ಲಿ ಎರಡು ವಿಕೆಟ್ ಸೇರಿದಂತೆ 4 ವಿಕೆಟ್ ತಮ್ಮದಾಗಿಸಿಕೊಂಡರು. ಉಳಿದೊಂದು ವಿಕೆಟ್ ಅಶ್ವಿನ್ ಪಾಲಾಯಿತು. ಕಿವೀಸ್ ಪರ ಕೊನೆಯವರೆಗೂ ಹೋರಾಡಿದ ಹೆನ್ರಿ ನಿಕಲಸ್ 44 ರನ್ ಗಳಿಸಿದರು. ಇದರೊಂದಿಗೆ ಎರಡು ಪಂದ್ಯಗಳ ಸರಣಿಯನ್ನು ಟೀಂ ಇಂಡಿಯಾ 1-0 ಅಂತರದಿಂದ ಗೆದ್ದುಕೊಂಡಿತು. ಇದು ರನ್ ಅಂತರದಲ್ಲಿ ಭಾರತದ ಅತೀ ದೊಡ್ಡ ಗೆಲುವಾಗಿ ದಾಖಲಾಯಿತು.
