ಆರ್ ಸಿಬಿ ಸೋಲಿನ ಬಳಿಕ ಮ್ಯಾಚ್ ರೆಫರಿ ರೂಂಗೆ ನುಗ್ಗಿ ಕೂಗಾಡಿದ ವಿರಾಟ್ ಕೊಹ್ಲಿ! ಇದೀಗ ಶಿಸ್ತು ಕ್ರಮದ ಭೀತಿ

ಬೆಂಗಳೂರು: ಮುಂಬೈ ಇಂಡಿಯನ್ಸ್ ವಿರುದ್ಧ ಮೊನ್ನೆ ನಡೆದ ಐಪಿಎಲ್ ಪಂದ್ಯದಲ್ಲಿ ಅಂಪಾಯರ್ ಗಳ ಪ್ರಮಾದದಿಂದ ನೋ ಬಾಲ್ ಘೋಷಿಸದೇ ಆರ್ ಸಿಬಿ ಸೋಲಿಗೆ ಕಾರಣವಾಗಿದ್ದು ನಾಯಕ ವಿರಾಟ್ ಕೊಹ್ಲಿ ಪಿತ್ತ ನೆತ್ತಿಗೇರಿಸಿದೆ.

ಪಂದ್ಯದ ಬಳಿಕ ನೇರವಾಗಿ ಮ್ಯಾಚ್ ರೆಫರಿ ಕೊಠಡಿಗೆ ನುಗ್ಗಿದ ಕೊಹ್ಲಿ ಬಾಯಿಗೆ ಬಂದಂತೆ ರೆಫರಿ ವಿರುದ್ಧ ಕೂಗಾಡಿದ್ದಾರೆ ಎನ್ನಲಾಗಿದೆ. ಅಷ್ಟೇ ಅಲ್ಲ, ಪ್ರತ್ಯಕ್ಷದರ್ಶಿಗಳ ಪ್ರಕಾರ, ಕೊಹ್ಲಿ ತನ್ನ ಮೇಲೆ ಶಿಸ್ತು ಕ್ರಮ ಕೈಗೊಂಡರೂ ಪರವಾಗಿಲ್ಲ ಎಂದು ಆಕ್ರೋಶ ಹೊರಹಾಕಿದ್ದಾರೆ ಎಂದು ವರದಿಯಾಗಿದೆ.

ವಿರಾಟ್ ಕೊಹ್ಲಿ ಈ ರೀತಿ ಮಾಡಿದ್ದು ನಿಜವೇ ಆಗಿದ್ದರೆ ಅದು ಆರ್ ಸಿಬಿ ಮತ್ತು ಅವರ ಮೇಲೆ ಪರಿಣಾಮ ಬೀರಲಿದೆ. ಕೊಹ್ಲಿಯ ವರ್ತನೆಗೆ ಅವರ ವಿರುದ್ಧ ಶಿಸ್ತು ಕ್ರಮ ಅಥವಾ ಆರ್ ಸಿಬಿ ಅಂಕ ಕಳೆದುಕೊಳ್ಳುವ ಸಾಧ್ಯತೆಯಿದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ