ಟೀಂ ಇಂಡಿಯಾ ಸೋತರೂ, ಬ್ಯಾಟ್ಸ್ ಮನ್ ಆಗಿ ಕೊಹ್ಲಿ ಸೋಲಲಿಲ್ಲ!

ಜೊಹಾನ್ಸ್ ಬರ್ಗ್: ಭಾರತ ಮತ್ತು ದಆಫ್ರಿಕಾ ನಡುವಿನ ಸರಣಿ ಶುರುವಾಗುವ ಮೊದಲು ವಿದೇಶಿ ನೆಲದಲ್ಲಿ ಸಾಮರ್ಥ್ಯ ಸಾಬೀತುಪಡಿಸುವ ಸವಾಲು ವಿರಾಟ್ ಕೊಹ್ಲಿ ಎದುರಿಗಿತ್ತು. ಅದನ್ನುವರು ತಂಡದ ನಾಯಕನಾಗಿ ಮಾಡಲು ಸಾಧ್ಯವಾಗದಿದ್ದರೂ ಆಟಗಾರನಾಗಿ ಮಾಡಿ ತೋರಿಸಿದ್ದಾರೆ.

ಆಫ್ರಿಕಾದಲ್ಲಿ ಗೆಲ್ಲುವ ಭಾರತದ ಕನಸು ಕನಸಾಗಿಯೇ ಉಳಿಯಿತು. ಆಟಗಾರರ ಆಯ್ಕೆ ವಿಚಾರದಲ್ಲಿ, ತಂಡದ ಸಂಯೋಜನೆ ವಿಚಾರದಲ್ಲಿ ಕೊಹ್ಲಿ ಎಡವಿದರು. ಅವರ ಆಯ್ಕೆಗಳ ಬಗ್ಗೆ ಸಾಕಷ್ಟು ಟೀಕೆ ವ್ಯಕ್ತವಾಯಿತು.

ಆದರೆ ಆಟಗಾರನಾಗಿ ಕೊಹ್ಲಿ ಎಡವಲಿಲ್ಲ. ದ್ವಿತೀಯ ಟೆಸ್ಟ್ ಪಂದ್ಯದಲ್ಲಿ ಶತಕ ಗಳಿಸಿದರೆ ತೃತೀಯ ಟೆಸ್ಟ್ ಪಂದ್ಯದ ಎರಡೂ ಇನಿಂಗ್ಸ್ ಗಳಲ್ಲಿ ಉಪಯುಕ್ತ ಕೊಡುಗೆ ನೀಡಿದ್ದಾರೆ. ಇದರಿಂದಾಗಿ ಸೋಲಿನಲ್ಲೂ ಭಾರತಕ್ಕೆ ಸನ್ಮಾನ ಕೊಡಿಸಿದ್ದಾರೆ. ಬ್ಯಾಟ್ಸ್ ಮನ್ ಆಗಿ ವಿದೇಶಿ ಪಿಚ್ ನಲ್ಲಿ ಆಡಿ ತೋರಿಸಿದರೆ ಮಾತ್ರ ಅವರು ವಿಶ್ವ ಶ್ರೇಷ್ಟ ಎನ್ನಲು ಸಾಧ್ಯ ಎನ್ನುತ್ತಿದ್ದ ಮಾಜಿಗಳಿಗೆ ಅವರು ಸರಿಯಾಗಿಯೇ ಉತ್ತರ ಕೊಟ್ಟಿದ್ದಾರೆ. ಮುಂದಿನದೇನಿದ್ದರೂ ಇಂಗ್ಲೆಂಡ್ ಸವಾಲು. ಇಂಗ್ಲೆಂಡ್ ನೆಲದಲ್ಲಿ ಅಂದು ವಿಫಲರಾಗಿದ್ದ ಕೊಹ್ಲಿ, ಈ ಬಾರಿಯ ಪ್ರವಾಸದಲ್ಲಿ ರನ್ ಗಳಿಸಲು ಸಾಧ್ಯವಾದರೆ, ಅವರನ್ನು ಪರಿಪೂರ್ಣನಾಗಿಸಬಹುದು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ