ಮಕ್ಕಳಿಗೆ ವಾಂತಿಯಾಗುತ್ತಿದ್ದರೆ ಔಷಧ ನೀಡುವ ಬದಲು ಒಮ್ಮೆ ಈ ಮನೆಮದ್ದನ್ನು ಬಳಸಿ ನೋಡಿ

ಬೆಂಗಳೂರು : ಮಕ್ಕಳಿಗೆ ಅರ್ಜೀಣ ಸಮಸ್ಯೆಯಾದಾಗ, ಪಿತ್ತವಾದಾಗ, ಪುಡ್ ಪಾಯಿಸನ್ ಆದಾಗ ವಾಂತಿಯಾಗುತ್ತದೆ. ಈ ವಾಂತಿ ನಿಲ್ಲಲು ಔಷಧಗಳನ್ನು ಕುಡಿಸುವ ಬದಲು ಈ ಮನೆಮದ್ದುಗಳನ್ನು ಬಳಸಿ ನೋಡಿ. ಇದು 1-10 ವರ್ಷದೊಳಗನ ಎಲ್ಲಾ ಮಕ್ಕಳಿಗೂ ವಾಂತಿ ನಿಲ್ಲಿಸಲು ಉಪಯೋಗಕಾರಿಯಾಗಿದೆ.

ಶುಂಠಿ ರಸ 1 ಟೀ ಚಮಚ, ನಿಂಬೆ ರಸ 1 ಟೀ ಚಮಚ, ಜೇನುತುಪ್ಪ ಅಥವಾ ಹಳೆಬೆಲ್ಲ 1ಟೀ ಚಮಚ ಮೂರನ್ನು ಚೆನ್ನಾಗಿ ಮಿಕ್ಸ್ ಮಾಡಿ ಮಕ್ಕಳಿಗೆ ತಿನ್ನಿಸಿ. ಇದನ್ನು ದಿನಕ್ಕೆ  3-4 ಬಾರಿ ಮಾಡಬೇಕು. ಒಂದೇ ದಿನದಲ್ಲಿ ಮಕ್ಕಳಿಗೆ ವಾಂತಿ ನಿಲ್ಲುತ್ತದೆ.
ಜೀರಿಗೆ ಪುಡಿ ½ ಟೀ ಚಮಚ, ಏಲಕ್ಕಿ ಪುಡಿ ½ ಟೀ ಚಮಚ ಎರಡನ್ನು 50 ನೀರಿಗೆ ಹಾಕಿ 5-10 ನಿಮಿಷ ಕುದಿಸಿ. ನಂತರ ಅದನ್ನು ಸೋಸಿ ಸ್ವಲ್ಪ ಉಗುರುಬೆಚ್ಚಗಾದ  ಮೇಲೆ ½ ಟೀ ಚಮಚದಷ್ಟು ನಿಂಬೆ ರಸ ಹಾಕಿ ಚೆನ್ನಾಗಿ ಮಿಕ್ಸ್ ಮಾಡಿ ಕುಡಿಸಿ. ಇದನ್ನು ಕೂಡ ದಿನಕ್ಕೆ  3-4 ಬಾರಿ ಮಾಡಬೇಕು.

ಈರುಳ್ಳಿ ರಸ 1 ಟೀ ಚಮಚ, ಶುಂಠಿ ರಸ 1 ಟೀ ಚಮಚ, ಜೇನುತುಪ್ಪ ½ ಟೀ ಚಮಚ ಮೂರನ್ನು ಚೆನ್ನಾಗ ಮಿಕ್ಸ್ ಮಾಡಿ ತಿನ್ನಿಸಿ. ಜೊತೆಗೆ ಈರುಳ್ಳಿ ಕಟ್ ಮಾಡಿ ಬಟ್ಟೆಯಲ್ಲಿ ಸುತ್ತಿಕೊಂಡು ಮಗುವಿಗೆ  ವಾಸನೆ ತೋರಿಸುವುದರಿಂದ ವಾಂತಿ ನಿಲ್ಲುತ್ತದೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ.