ರಾಜಸ್ಥಾನ್‌ ವಿರುದ್ಧ ಸೋಲು: ಆರ್‌ಸಿಬಿ ಆಟಗಾರರ ಭಾವನಾತ್ಮಕ ವಿಡಿಯೋ ವೈರಲ್

Photo By X

ಅಹಮದಾಬಾದ್: ಐಪಿಎಲ್‌ ಟೂರ್ನಿ ಶುರುವಾಗುವಾಗಲೇ ಈ ʼಸಲ ಕಪ್‌ ನಮ್ದೇ ಎಂದುʼ ಘೋಷ ವಾಕ್ಯ ಕೂಗುವ ಆರ್‌ಸಿಬಿ ಅಭಿಮಾನಿಗಳಿಗೂ ಈ ಬಾರಿಯೂ ನಿರಾಸೆಯಾಗಿದೆ. ಸತತ 6 ಪಂದ್ಯಗಳನ್ನು ಗೆದ್ದು ಪ್ಲೇ ಆಫ್ ಪ್ರವೇಶಿಸಿದ ಆರ್‌ಸಿಬಿ ನಿನ್ನೆ ರಾಜಸ್ಥಾನ್‌ ರಾಯಲ್‌ ಚಾಲೆಂಜರ್ಸ್‌ ವಿರುದ್ಧ ನಡೆದ ಎಲಿಮೀನೇಟರ್‌ ಪಂದ್ಯಾಟದಲ್ಲಿ ತಂಡ 4 ವಿಕೆಟ್‌ಗಳ ಸೋಲಿನ ಮೂಲಕ ಐಪಿಎಲ್​​ನಲ್ಲಿ ತನ್ನ ಅಭಿಯಾನವನ್ನು ಮುಗಿಸಿದೆ.

ಈ ಸೋಲು ಆರ್‌ಸಿಬಿ ಅಭಿಮಾನಿಗಳಲ್ಲಿ ಬೇಸರ ತಂದಿದ್ದು, ಇನ್ನೂ ಪಂದ್ಯದ ಸೋಲಿನ ನಂತರ ಡ್ರೆಸ್ಸಿಂಗ್ ರೂಮ್​ನಲ್ಲಿ ಕಂಡುಬಂದ ದೃಶ್ಯ ಪ್ರತಿಯೊಬ್ಬ ಆರ್​ಸಿಬಿ ಅಭಿಮಾನಿಗಳನ್ನು ಭಾವುಕವಾನ್ನಾಗಿಸಿದೆ.

ರಾಜಸ್ಥಾನ ರಾಯಲ್ಸ್​ ವಿರುದ್ಧದ ಸೋಲಿನ ನಂತರ ಫ್ರಾಂಚೈಸಿ ತನ್ನ ಸಾಮಾಜಿಕ ಜಾಲತಾಣ ಖಾತೆಯಲ್ಲಿ ಭಾವನಾತ್ಮಕ ವಿಡಿಯೋ ಒಂದನ್ನು ಹಂಚಿಕೊಂಡಿದೆ.

ಈ ವಿಡಿಯೋದಲ್ಲಿ ಪಂದ್ಯ ಮುಗಿದ ಬಳಿಕ ತಂಡದ ಎಲ್ಲಾ ಆಟಗಾರರು ಹತಾಶೆ ಮತ್ತು ನಿರಾಶೆಯಿಂದ ಡ್ರೆಸ್ಸಿಂಗ್​ ರೂಮ್​ನಲ್ಲಿ ಕುಳಿತಿರುವುದನ್ನು ನೋಡಬಹುದಾಗಿದೆ. ಎಲ್ಲಾ ಆಟಗಾರರು ದುಃಖದಲ್ಲಿರುವುನ್ನು ನೋಡಿದ ಅಭಿಮಾನಿಗಳು ಭಾವುಕರಾಗಿ ವಿಧ ವಿಧವಾಗಿ ಕಮೆಂಟ್‌ ಮಾಡುತ್ತಿದ್ದಾರೆ.