ಬಿಗ್ ಬಾಸ್ ಗೆದ್ದರೇನು, ಬಯಲಲ್ಲೇ ಮಲಗಿದ ಹನುಮಂತ: Video
ಬಿಗ್ ಬಾಸ್ ಕನ್ನಡ ಸೀಸನ್ 11 ಇತ್ತೀಚೆಗೆ ಮುಕ್ತಾಯವಾಗಿದೆ. ವೈಲ್ಡ್ ಕಾರ್ಡ್ ಎಂಟ್ರಿಯಾಗಿ ದೊಡ್ಮನೆ ಪ್ರವೇಶಿಸಿದ್ದ ಹನುಮಂತ ಆ ಮನೆಯ ವೈಭೋಗ ಕಂಡು ಅಚ್ಚರಿಗೊಂಡಿದ್ದರು. ತಮ್ಮ ಮುಗ್ಧ ವರ್ತನೆಯಿಂದಲೇ ಜನರ ಪ್ರೀತಿ ಗಳಿಸಿದ್ದರು.
ಕೊನೆಗೆ ಫೈನಲ್ ನಲ್ಲಿ ಹನುಮಂತ ವಿನ್ನರ್ ಆಗಿದ್ದರೆ, ತ್ರಿವಿಕ್ರಮ್ ರನ್ನರ್ ಅಪ್ ಆಗಿದ್ದರು. ಫೈನಲ್ ಗೆದ್ದ ಹನುಮಂತ ಟ್ರೋಫಿ ಜೊತೆಗೆ 50 ಲಕ್ಷ ರೂ. ಬಹುಮಾನವನ್ನೂ ಗೆದ್ದುಕೊಂಡಿದ್ದರು. ಇಷ್ಟು ದೊಡ್ಡ ಮೊತ್ತ ಗಳಿಸಿದರೂ ಅವರ ವಿನಯತೆ ಹಾಗೇ ಇದೆ ಎನ್ನುವುದು ಸ್ಪಷ್ಟವಾಗಿದೆ.
ಬಿಗ್ ಬಾಸ್ ಗೆದ್ದ ಬಳಿಕ ಹನುಮಂತ ತಮ್ಮ ಪೋಷಕರೊಂದಿಗೆ ಹಾವೇರಿಯ ತನ್ನ ಗ್ರಾಮಕ್ಕೆ ಭೇಟಿ ಕೊಟ್ಟಿದ್ದಾರೆ. ಅಲ್ಲಿ ಸನ್ಮಾನಗಳೆಲ್ಲಾ ಸ್ವೀಕರಿಸಿದ ಬಳಿಕ ಹನುಮಂತ ತಮ್ಮ ಎಂದಿನ ಜೀವನ ಶೈಲಿಗೆ ಮರಳಿದ್ದಾರೆ. ತನ್ನ ಗ್ರಾಮದಲ್ಲಿ ಹೊಲದಲ್ಲಿ ಮಲಗಿ ರಾತ್ರಿ ಕಳೆದ ಫೋಟೋ ವೈರಲ್ ಆಗಿದೆ.
