ತರುಣ್ ಸುಧೀರ್, ಸೋನಲ್ ಮೊಂಥೆರೋ ನಡುವೆ ಪೋಲಿ ಯಾರು: ದಂಪತಿ ಕೊಟ್ಟ ಉತ್ತರ ಹೀಗಿತ್ತು

ಬೆಂಗಳೂರು: ಇತ್ತೀಚೆಗಷ್ಟೇ ವೈವಾಹಿಕ ಜೀವನಕ್ಕೆ ಕಾಲಿಟ್ಟಿರುವ ಸ್ಯಾಂಡಲ್ ವುಡ್ ನಿರ್ದೇಶಕ ತರುಣ್ ಸುಧೀರ್ ಮತ್ತು ನಟಿ ಸೋನಲ್ ಮೊಂಥೆರೋ ನಡುವೆ ಪೋಲಿ ಯಾರು? ಅವರೇ ಕೊಟ್ಟ ಉತ್ತರ ಹೀಗಿತ್ತು.

ತರುಣ್ ಸುಧೀರ್ ಮತ್ತು ಸೋನಲ್ ಕಳೆದ ಆಗಸ್ಟ್ ನಲ್ಲಿ ಮದುವೆಯಾಗಿದ್ದರು. ಇತ್ತೀಚೆಗಷ್ಟೇ ಮಾಲ್ಡೀವ್ಸ್ ನಲ್ಲಿ ಹನಿಮೂನ್ ಮುಗಿಸಿಕೊಂಡು ಬಂದಿದ್ದಾರೆ. ಈಗ ಜೀ ಕುಟುಂಬ ಅವಾರ್ಡ್ಸ್ ಕಾರ್ಯಕ್ರಮದಲ್ಲಿ ಇಬ್ಬರೂ ಅತಿಥಿಗಳಾಗಿ ಬಂದಿದ್ದಾರೆ. ಈ ಕಾರ್ಯಕ್ರಮದಲ್ಲಿ ಅವರನ್ನು ವೇದಿಕೆಯಲ್ಲಿ ಕೂರಿಸಿ ತರ್ಲೆ ಪ್ರಶ್ನೆಗಳನ್ನು ಕೇಳಲಾಯಿತು.

ಆಂಕರ್ ಅನುಶ್ರೀ ಇಬ್ಬರನ್ನೂ ಅಕ್ಕಪಕ್ಕ ಕೂರಿಸಿಕೊಂಡು ಇಬ್ಬರ ಕುರಿತಾಗಿ ಕೆಲವೊಂದು ತರ್ಲೆ ಪ್ರಶ್ನೆಗಳನ್ನು ಕೇಳಿದರು. ಆ ಮೂಲಕ ಹೊಸ ಜೋಡಿ ನಡುವೆ ಎಷ್ಟು ಹೊಂದಾಣಿಕೆಯಿದೆ ಎಂದು ಟೆಸ್ಟ್ ಮಾಡಿದರು. ಈ ವೇಳೆ ಅನುಶ್ರೀ ಇಬ್ಬರಿಗೂ ನಿಮ್ಮಿಬ್ಬರಲ್ಲಿ ಹೆಚ್ಚು ಪೋಲಿ ಯಾರು ಎಂದು ಪ್ರಶ್ನೆ ಕೇಳಿದರು.

ಅನುಶ್ರೀ ಪ್ರಶ್ನೆಗೆ ಇಬ್ಬರೂ ನಾಚಿಕೊಂಡರು. ಬಳಿಕ ಸೋನಲ್ ತರುಣ್ ಫೋಟೋ ಹಿಡಿದರೆ ತರುಣ್ ಸೋನಲ್ ಫೋಟೋ ಹಿಡಿದರು. ಇಬ್ಬರ ಉತ್ತರ ನೋಡಿ ಅಲ್ಲಿದ್ದವರೂ ಜೋರಾಗಿ ನಕ್ಕರು. ಅನುಶ್ರೀ ವೇದಿಕೆಯಲ್ಲಿದ್ದರೆ ಕೇಳಬೇಕೇ? ಇಬ್ಬರ ಕೆನ್ನೆ ಕೆಂಪಗಾಗಿಸಿಯೇ ಕಳುಹಿಸಿಕೊಟ್ಟರು.