ಹಣ್ಣು ನೀಡಿದ ಯುವಕನಿಗೆ ಆನೆ ಮಾಡಿದ್ದೇನು? ಶಾಕಿಂಗ್!
ಭಾನುವಾರ, 17 ಫೆಬ್ರವರಿ 2019 (12:07 IST)
ಆ ಯುವಕ ಆನೆಗೆ ಬಾಳೆಹಣ್ಣನ್ನು ನೀಡಿದೆ. ಆದರೆ ಹಣ್ಣು ತಿನ್ನಬೇಕಿದ್ದ ಆನೆ ಆ ಯುವಕನ ತಲೆಗೆ ಬಾಯಿ ಹಾಕಿ ಬಿಸಾಡಿದೆ.
ಪ್ರಭಾಸ್ ಸರ್ಕಸ್‌ ಕಂಪನಿ ಸಾಕಿರುವ ಮದವೇರಿದ್ದ ಆನೆಗೆ ತಿನ್ನಲು ಬಾಳೆಹಣ್ಣು ನೀಡಿದ ಯುವಕನ ತಲೆಯನ್ನೆ ಜಗಿದು ಸೊಂಡಿಲಿನಿಂದ ಎಸೆದ ಪರಿಣಾಮ ಆತ ಗಂಭೀರವಾಗಿ ಗಾಯಗೊಂಡಿದ್ದಾನೆ. ಈ ಘಟನೆ ತುಮಕೂರು ತಾಲ್ಲೂಕಿನ ಕೋರಾ ಗ್ರಾಮದ ಆಂಜನೇಯಸ್ವಾಮಿ ದೇವಾಲಯದ ಬಳಿ ನಡೆದಿದೆ.
ಪ್ರತಾಪ್ (20) ಎಂಬಾತನೇ ತೀವ್ರವಾಗಿ ಗಾಯಗೊಂಡಿರುವ ಯುವಕ. ಕೋರಾ ಆಂಜನೇಯಸ್ವಾಮಿ ದೇವಾಲಯದ ಬಳಿ ಪ್ರಭಾಸ್ ಸರ್ಕಸ್‌ನವರು ಸಾಕಿದ್ದ ಆನೆಗೆ ಮದವೇರಿದ್ದು ಈ ಆನೆಗೆ ಯುವಕ ಪ್ರತಾಪ್ ತಿನ್ನಲು ಬಾಳೆಹಣ್ಣು ನೀಡಿದ್ದಾನೆ.
ಮದ ತುಂಬಿದ್ದ ಈ ಸಾಕಾನೆ ಸೊಂಡಿಲಿನಿಂದ ಬಾಳೆಹಣ್ಣಿನೊಂದಿಗೆ ಯುವಕನ ತಲೆಗೂ ಬಾಯಿ ಹಾಕಿ ಜಗಿದಿದೆ. ನಂತರ ಸೊಂಡಿಲಿನಿಂದ ಯುವಕನನ್ನು ದೂರಕ್ಕೆ ಎಸೆದಿದೆ. ತಕ್ಷಣ ಗಂಭೀರ ಸ್ಥಿತಿಯಲ್ಲಿದ್ದ ಯುವಕನನ್ನು ತುಮಕೂರಿನ ಸಿದ್ದಗಂಗಾ ಆಸ್ಪತ್ರೆಗೆ ಕೊಂಡೊಯ್ದು ಚಿಕಿತ್ಸೆಗಾಗಿ ದಾಖಲಿಸಲಾಗಿದೆ.
