ಹೈದರಾಬಾದ್: ಸೆಲೆಬ್ರಿಟಿಗಳೆಲ್ಲಾ ಒಬ್ಬರಾದ ಮೇಲೊಬ್ಬರಂತೆ ಮದುವೆಯಾಗುತ್ತಲೇ ಇದ್ದು, ಅಭಿಮಾನಿಗಳಿಗೆ ಕಣ್ಣಿಗೆ ಹಬ್ಬದ ಸಂಭ್ರಮ ನೀಡುತ್ತಿದ್ದಾರೆ. ದೀಪಿಕಾ-ರಣವೀರ್ ಮದುವೆಯ ನಂತರ ಇದೀಗ ಖ್ಯಾತ ಬ್ಯಾಡ್ಮಿಂಟನ್ ಪಟುಗಳಾದ ಸೈನಾ ನೆಹ್ವಾಲ್-ಪಾರುಪಳ್ಳಿ ಕಶ್ಯಪ್ ಜೋಡಿಯ ಮದುವೆಯ ಸುದ್ದಿ ಹರಿದಾಡುತ್ತಿದೆ.
ಇತ್ತೀಚೆಗಷ್ಟೇ ಇವರು ಮದುವೆಯ ಸುದ್ದಿಯನ್ನು ಖಚಿತಪಡಿಸಿದ್ದರು. ಡಿಸೆಂಬರ್ 16 ರಂದು ಹೈದರಾಬಾದ್ ನಲ್ಲಿ ಈ ತಾರಾ ಜೋಡಿಯ ವಿವಾಹ ಸಮಾರಂಭ ನಡೆಯಲಿದ್ದು, ಅದೇ ದಿನ ಸಂಜೆ ಆರತಕ್ಷತೆಯೂ ನಡೆಯಲಿದೆ.
ಈ ವಿವಾಹದ ಆಹ್ವಾನ ಪತ್ರಿಕೆ ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ. ಪೋಷಕರ ಹೆಸರಿನಲ್ಲಿ ಮದುವೆಯ ಆಹ್ವಾನ ಪತ್ರಿಕೆಯಿದ್ದರೆ, ಸೈನಾ ಮತ್ತು ಕಶ್ಯಪ್ ತಮ್ಮ ಹೆಸರಿನಲ್ಲಿ ಆರತಕ್ಷತೆಯ ಆಹ್ವಾನ ನೀಡಿದ್ದಾರೆ. ಈ ಮದುವೆಗೆ ಕ್ರೀಡಾ ಲೋಕದ ಗಣ್ಯರ ದಂಡೇ ಹರಿದುಬರುವ ನಿರೀಕ್ಷೆಯಿದೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.
