ಮೂಲಂಗಿ ಪಲಾವ್ ಆರೋಗ್ಯಕ್ಕೆ ಪೂರಕ

ಪಲಾವ್ ಅಡುಗೆ ಪ್ರಿಯರ ನೆಚ್ಚಿನ ಬಗೆಯಲ್ಲೊಂದು. ಆರೋಗ್ಯಕ್ಕೆ ಪೂರಕವಾಗಿರುವ ಮೂಲಂಗಿ ಪಲಾವ್ ಬಿಡುವಿನ ವೇಳೆ ಮಾಡಿ ನೋಡಿ.

ಏನೇನ್ ಬೇಕು?
ಕೆಂಪು ಮೂಲಂಗಿ ಕಾಲು ಕಿಲೋ
ಬಾಸುಮತಿ ಅಕ್ಕಿ ಕಾಲು ಕಿಲೋ
ತುಪ್ಪ ಅರ್ಧ ಬಟ್ಟಲು
ಮೊಸರು ಕಾಲು ಬಟ್ಟಲು
ಹಸಿಮೆನಸಿನಕಾಯಿ 4
ಗರಂ ಮಸಾಲೆ ಪುಡಿ 1 ಚಮಚ
ಲವಂಗ 4
ಅರಿಶಿನ 2 ಚಿಟಿಕೆ
ಉಪ್ಪು
ಈರುಳ್ಳಿ 2

ಮಾಡೋದು ಹೇಗೆ?:
ಅಕ್ಕಿ ತೊಳೆದು 20 ನಿಮಿಷ ಜರಡಿಗೆ ಬಸಿಹಾಕಿ ಬಾಣಲೆಗೆ ತುಪ್ಪ ಹಾಕಿ ಅಕ್ಕಿ ಹುರಿಯಿರಿ. ಹೆಚ್ಚಿದ ಈರುಳ್ಳಿ, ಹಸಿಮೆನಸಿನಕಾಯಿ, ಅರಿಶಿನ, ಗರಂ ಮಸಾಲೆ ಪುಡಿ, ಲವಂಗ ಹಾಕಿ ಹುರಿಯಿರಿ. ಮೊಸರು, ಕೆಂಪು ಮೂಲಂಗಿ ಹೋಳು ಹಾಕಿ ಅಕ್ಕಿಯ ಎರಡರಷ್ಟು ನೀರು ಹಾಕಿ ಕುದಿಸಿ. ಬೆಂದ ನಂತರ ಉಪ್ಪು ಹಾಕಿ ಕೆದಕಿ ಮುಚ್ಚಿಡಿ. 5 ನಿಮಿಷ ಸಣ್ಣ ಉರಿಯಲ್ಲಿ ಬೆಂದ ನಂತರ ಕೆಳಗಿಳಿಸಿ.