ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಮದುವೆಯಾದಾಗಿನಿಂದ ವಿರುಷ್ಕಾ ಸಾಮಾಜಿಕ ಮಾಧ್ಯಮದಲ್ಲಿ ಪರಸ್ಪರ ಸಂದೇಶಗಳನ್ನು ಹಂಚಿಕೊಳ್ಳುತ್ತಿರುತ್ತಾರೆ ಮತ್ತು ಗುರುವಾರವೂ ಸಹ ಇದಕ್ಕೆ ಹೊರತಾಗಿರಲಿಲ್ಲ. ಅನುಷ್ಕಾ ವಿರಾಟ್ ಶತಕದ ನಂತರ ವಿರಾಟ್ ಫೋಟೋ ಮೇಲೆ 'What a guy' ಎಂದು ಬರೆದು ಹೃದಯದ ಸ್ಟಿಕ್ಕರ್ ಅನ್ನು ಹಾಕಿ ಅದನ್ನು ತಮ್ಮ ಇನ್ಸ್ಟಾಗ್ರಾಮ್‌ ಪುಟದಲ್ಲಿ ಹಂಚಿಕೊಂಡಿದ್ದಾರೆ. ಇದರೊಂದಿಗೆ ಕೊಹ್ಲಿ ಶತಕದ ಇನ್ನೊಂದು ಫೋಟೋ ಮೇಲೆ ಎರಡು ಹೃದಯದ ಸ್ಟಿಕ್ಕರ್‌ಗಳ ನಡುವೆ 100 ಎನ್ನುವ ಸ್ಟಿಕ್ಕರ್ ಅನ್ನು ಹಾಕಿ ಅದನ್ನು ಮತ್ತು ಭಾರತ ಜಯಗಳಿಸಿದ ಇನ್ನೊಂದು ಫೋಟೋವನ್ನು ಸಹ ಹಂಚಿಕೊಂಡಿದ್ದಾರೆ. ಹೀಗೆ ಅನುಷ್ಕಾ ತಮ್ಮ ಖುಷಿಯನ್ನು ಹಂಚಿಕೊಂಡು ವಿರಾಟ್ ಕುರಿತಾದ ತಮ್ಮ ಪ್ರೀತಿಯನ್ನು ವ್ಯಕ್ತಪಡಿಸಿದ್ದಾರೆ.
