ಏಷ್ಯಾ ಕಪ್ ಫೈನಲ್ ಗೇರದ್ದಕ್ಕೆ ತಮ್ಮದೇ ದೇಶದ ತಂಡವನ್ನು ಅಭಿನಂದಿಸಿದ ಪಾಕ್ ಕ್ರಿಕೆಟ್ ಅಭಿಮಾನಿಗಳು!
ಬಾಂಗ್ಲಾದೇಶ ವಿರುದ್ಧ ಸೂಪರ್ ಫೋರ್ ಹಂತದಲ್ಲಿ ಸೋತು ಕೂಟದಿಂದ ನಿರ್ಗಮಿಸಿದ ಪಾಕಿಸ್ತಾನ ಫೈನಲ್ ತಲುಪಲಿಲ್ಲ. ಒಂದು ವೇಳೆ ಫೈನಲ್ ಗೇರಿದ್ದರೆ ಭಾರತದ ಜತೆ ಸೆಣಸಾಡಸಬೇಕಿತ್ತು.
ಈಗಾಗಲೇ ಏಷ್ಯಾ ಕಪ್ ಕೂಟದಲ್ಲಿ ಭಾರತ ಎರಡು ಬಾರಿ ಪಾಕಿಸ್ತಾನವನ್ನು ಸೋಲಿಸಿದೆ. ಒಂದು ವೇಳೆ ಫೈನಲ್ ತಲುಪಿದ್ದರೆ ಮತ್ತೊಮ್ಮೆ ಒಂದೇ ಕೂಟದಲ್ಲಿ ಹ್ಯಾಟ್ರಿಕ್ ಸೋಲು ಅನುಭವಿಸಬೇಕಾಗಿತ್ತು. ಸದ್ಯಕ್ಕೆ ಆ ಅವಮಾನ ಇಲ್ಲವಲ್ಲ. ಅದೇ ಸಮಾಧಾನ ಎಂದು ಪಾಕ್ ಅಭಿಮಾನಿಗಳು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಂಗ್ಯವಾಗಿ ತಂಡವನ್ನು ಲೇವಡಿ ಮಾಡುತ್ತಿದ್ದಾರೆ.
