ಭಾರತೀಯ ಪ್ರೇಕ್ಷಕರ ಸದ್ದಡಗಿಸುವುದಕ್ಕಿಂತ ಖುಷಿ ಬೇರೊಂದಿಲ್ಲ: ಆಸೀಸ್ ನಾಯಕ ಕ್ಯುಮಿನ್ಸ್
ವಿಶ್ವದ ಬೃಹತ್ ಕ್ರೀಡಾಂಗಣವಾದ ಅಹಮ್ಮದಾಬಾದ್ ನಲ್ಲಿ ನಾಳೆ ಒಂದೂವರೆ ಲಕ್ಷ ಪ್ರೇಕ್ಷಕರು ಫೈನಲ್ ಪಂದ್ಯ ವೀಕ್ಷಿಸಲಿದ್ದಾರೆ. ಇವರಲ್ಲಿ ಹೆಚ್ಚಿನವರೂ ಭಾರತೀಯ ಸಮರ್ಥಕರೇ ಎಂದು ಪ್ರತ್ಯೇಕವಾಗಿ ಹೇಳಬೇಕಾಗಿಲ್ಲ. ಎಲ್ಲರೂ ಈ ಪಂದ್ಯವನ್ನು ಭಾರತವೇ ಗೆಲ್ಲಲಿದೆ ಎಂಬ ಭರವಸೆಯಲ್ಲಿದ್ದಾರೆ.
ಈ ಬಗ್ಗೆ ಮಾತನಾಡಿರುವ ಆಸೀಸ್ ನಾಯಕ ‘ಪ್ರೇಕ್ಷಕರು ಖಂಡಿತವಾಗಿಯೂ ಹೆಚ್ಚಿನವರು ಭಾರತವನ್ನು ಬೆಂಬಲಿಸಲಿದ್ದಾರೆ. ಆದರೆ ಅಷ್ಟು ದೊಡ್ಡ ಪ್ರೇಕ್ಷಕರ ಸದ್ದಡಗಿಸುವುದೇ ಒಂದು ರೀತಿಯ ಖುಷಿ. ಈಗಿನ ಪ್ರತಿಯೊಂದು ಕ್ಷಣವನ್ನೂ ಎಂಜಾಯ್ ಮಾಡಬೇಕಿದೆ’ ಎಂದಿದ್ದಾರೆ.
ಆಸ್ಟ್ರೇಲಿಯಾ ನಾಯಕನ ಈ ಹೇಳಿಕೆ ಭಾರತೀಯ ಪ್ರೇಕ್ಷಕರನ್ನು ಕೆರಳಿಸಲಿದೆ. ನಾಳೆಯ ಪಂದ್ಯಕ್ಕೆ ಬಹುತೇಕರು ಭಾರತೀಯ ಆಟಗಾರರನ್ನೇ ಬೆಂಬಲಿಸುವುದು ಖಚಿತ.
