India-S Africa T20I: ಮೊದಲ ಟಿ20 ಪಂದ್ಯಕ್ಕೆ ಮಳೆಯೋ ಮಳೆ

ಕಿಂಗ್ಸ್ ಮೇಡ್: ಭಾರತ ಮತ್ತು ದ.ಆಫ್ರಿಕಾ ನಡುವೆ ನಡೆಯಬೇಕಿರುವ ಮೊದಲ ಟಿ20 ಪಂದ್ಯ ಮಳೆಯಿಂದಾಗಿ ಇನ್ನೂ ಆರಂಭವಾಗಿಲ್ಲ.

ಡರ್ಬನ್ ನ ಕಿಂಗ್ಸ್ ಮೇಡ್ ಮೈದಾನದಲ್ಲಿ ಬಿಟ್ಟೂ ಬಿಡದೇ ಮಳೆಯಾಗುತ್ತಿದ್ದು ಟಾಸ್ ಕೂಡಾ ನಡೆದಿಲ್ಲ. ಭಾರತೀಯ ಕಾಲಮಾನ ಪ್ರಕಾರ 7.30 ಕ್ಕೆ ಪಂದ್ಯ ಆರಂಭವಾಗಬೇಕಿತ್ತು.

ಆದರೆ ಮಳೆಯಿಂದಾಗಿ ಇದುವರೆಗೆ ಟಾಸ್ ಕೂಡಾ ನಡೆದಿಲ್ಲ. ಮಳೆ ಈಗಷ್ಟೇ ಕೊಂಚ ಬಿಡುವು ಪಡೆದಂತಿದೆ. ಹಾಗಿದ್ದರೂ ಈಗಾಗಲೇ ತಡವಾಗಿದ್ದು ಇನ್ನು ಪಂದ್ಯ ನಡೆದರೂ ಓವರ್ ಕಡಿತವಾಗಲಿದೆ.

ಭಾರತ ಮತ್ತು ದ.ಆಫ್ರಿಕಾ ನಡುವೆ ಮೂರು ಪಂದ್ಯಗಳ ಟಿ20 ಸರಣಿ ನಡೆಯಲಿದ್ದು, ಇಂದು ಮೊದಲ ಪಂದ್ಯ ನಡೆಯುತ್ತಿದೆ. ಇದಾದ ಬಳಿಕ ಟೀಂ ಇಂಡಿಯಾ ಆಫ್ರಿಕಾ ನಾಡಿನಲ್ಲಿ ಏಕದಿನ ಮತ್ತು ಟೆ‍ಸ್ಟ್ ಸರಣಿಯನ್ನೂ ಆಡಲಿದೆ.