ಅಹಮ್ಮದಾಬಾದ್: ಐಪಿಎಲ್ 2025 ರಲ್ಲಿ ಇಂದು ಆರ್ ಸಿಬಿ ಮತ್ತು ಪಂಜಾಬ್ ಕಿಂಗ್ಸ್ ನಡುವೆ ಫೈನಲ್ ಪಂದ್ಯ ನಡೆಯಲಿದೆ. ಮೊದಲ ಕಪ್ ಗೆಲ್ಲುವ ಕನಸಿನಲ್ಲಿರುವ ಆರ್ ಸಿಬಿ ಟಾಸ್ ಗೆದ್ದರೆ ಇಂದು ಮೊದಲು ಏನು ಆಯ್ಕೆ ಮಾಡಬೇಕು? ಇಲ್ಲಿದೆ ವಿಶ್ಲೇಷಣೆ.
ಕಳೆದ ಮೂರು ಬಾರಿ ಫೈನಲ್ ತಲುಪಿದ್ದ ಆರ್ ಸಿಬಿ ಮೂರೂ ಬಾರಿಯೂ ಮೊದಲು ಫೀಲ್ಡಿಂಗ್ ಮಾಡಿ ಸೋತಿತ್ತು. ಹೀಗಾಗಿ ಇಂದೂ ಅದೇ ರಿಪೀಟ್ ಆಗುವುದು ಬೇಡ ಎನ್ನುವುದು ಅಭಿಮಾನಿಗಳ ಬಯಕೆ. ಆದರೆ ಟಾಸ್ ಗೆದ್ದ ಮೇಲೆ ಯಾವುದನ್ನು ಆಯ್ಕೆ ಮಾಡಬೇಕು ಎನ್ನುವುದು ಆಯಾ ಮೈದಾನಕ್ಕೆ ಹೊಂದಿಕೊಂಡಂತೆ ಇರುತ್ತದೆ.
ಅಹಮ್ಮದಾಬಾದ್ ನ ಪಿಚ್ ಬ್ಯಾಟಿಂಗ್ ಗೆ ಸಹಕಾರಿಯಾದ ಪಿಚ್ ಆಗಿದೆ. ಇಲ್ಲಿ 44 ಮ್ಯಾಚ್ ಗಳ ಪೈಕಿ 32 ಪಂದ್ಯಗಳಲ್ಲೂ ಮೊದಲು ಫೀಲ್ಡಿಂಗ್ ಆಯ್ದುಕೊಂಡ ತಂಡವೇ ಗೆಲುವು ಸಾಧಿಸಿದೆ. ಅಂದರೆ ಇಲ್ಲಿ ಚೇಸಿಂಗ್ ಮಾಡಿದರೆ ಗೆಲ್ಲುವುದು ಸುಲಭ.
ಇದು ಕೊನೆಯದಾಗಿ ನಡೆದ ಎಲಿಮಿನೇಟರ್ ಪಂದ್ಯದಲ್ಲೂ ಹೀಗೇ ಆಗಿದೆ. ಮೊನ್ನೆ ನಡೆದ ಮುಂಬೈ ವಿರುದ್ಧದ ಪಂದ್ಯದಲ್ಲೂ ಪಂಜಾಬ್ ಬೃಹತ್ ಮೊತ್ತ ಚೇಸ್ ಮಾಡಿ ಗೆದ್ದಿತ್ತು. ಹೀಗಾಗಿ ಇಂದು ಆರ್ ಸಿಬಿ ಟಾಸ್ ಗೆದ್ದರೆ ಮೊದಲು ಫೀಲ್ಡಿಂಗ್ ಆಯ್ಕೆ ಮಾಡುವುದೇ ಉತ್ತಮ ಎನ್ನುವುದು ಅಂಕಿ ಅಂಶಗಳೇ ಹೇಳುತ್ತವೆ.
