ವೆಸ್ಟ್ ಇಂಡೀಸ್ ತಂಡದಲ್ಲೊಬ್ಬ ವಿರಾಟ್ ಕೊಹ್ಲಿ ಅಪ್ಪಟ ಅಭಿಮಾನಿ
ವೆಸ್ಟ್ ಇಂಡೀಸ್ ಕ್ರಿಕೆಟ್ ತಂಡ ವಿಕೆಟ್ ಕೀಪರ್ ಜೊಶುವಾ ಡಿ ಸಿಲ್ವಾ ಕಿಂಗ್ ಕೊಹ್ಲಿಯ ಅಪ್ಪಟ ಅಭಿಮಾನಿ. ಪಂದ್ಯವಾಡುವಾಗಲೂ ಕೊಹ್ಲಿಗೆ ನಿಮ್ಮ ಶತಕ ನೋಡಲು ಕಾತುರನಾಗಿದ್ದೇನೆ ಎಂದು ಹೇಳಿಕೊಂಡಿದ್ದು ವೈರಲ್ ಆಗಿತ್ತು.
ವಿಶೇಷವೆಂದರೆ ಜೊಶುವಾ ಮಾತ್ರವಲ್ಲ, ಅವರ ತಾಯಿಯೂ ಕೊಹ್ಲಿಯ ಅಪ್ಪಟ ಅಭಿಮಾನಿ. ಅವರನ್ನು ಒಮ್ಮೆ ಭೇಟಿಯಾಗಬೇಕೆಂಬುದು ಅವರ ಕನಸಾಗಿತ್ತಂತೆ. ಅದರಂತೆ ಕೊಹ್ಲಿ ಪಂದ್ಯ ಮುಗಿಸಿಕೊಂಡು ಟೀಂ ಬಸ್ ಏರುವಾಗ ಜೊಶುವಾ ತಾಯಿ ಭೇಟಿ ಮಾಡಿ ಅವರ ಕನಸು ನನಸು ಮಾಡಿದ್ದಾರೆ. ಜೊಶುವಾ ತಾಯಿ ಈ ವೇಳೆ ತಮ್ಮ ಆರಾಧ‍್ಯ ದೈವವನ್ನು ನೋಡಿ ಕಣ್ಣೀರು ಹಾಕಿದ್ದಲ್ಲದೆ, ಕೆನ್ನೆಗೆ ಮುತ್ತು ಕೊಟ್ಟು ಸಂಭ್ರಮಿಸಿದ್ದಾರೆ. ಈ ವಿಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
