ಬೆಂಗಳೂರು: ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕಿ, ಭಾರತ ಕ್ರಿಕೆಟ್ ತಂಡದ ಕ್ವೀನ್ ಎಂದೇ ಕರೆಯಿಸಿಕೊಳ್ಳುವ ಸ್ಮೃತಿ ಮಂಧಾನ ಆಟದಲ್ಲಿ ಎಷ್ಟು ಜನಪ್ರಿಯರೋ ಜಗತ್ತಿನ ಅತ್ಯಂತ ಸುಂದರ ಕ್ರಿಕೆಟ್ ಆಟಗಾರ್ತಿಯರ ಪಟ್ಟಿಯಲ್ಲೂ ಸ್ಥಾನ ಪಡೆದಿದ್ದಾರೆ.
ಮೈದಾನದಲ್ಲಿ ಸಿಡಿಲಬ್ಬರದ ಬ್ಯಾಟಿಂಗ್ ಮೂಲಕ ಕ್ರಿಕೆಟ್ ಪ್ರಿಯರನ್ನು ರಂಜಿಸುವ ಸ್ಮೃತಿ ಮಂಧಾನ ತಮ್ಮ ದೈನಂದಿನ ಜೀವನದಲ್ಲಿ ತಮ್ಮ ಆಹಾರ, ಫಿಟ್ನೆಸ್ ಕಡೆಗೆ ಅಷ್ಟೇ ಗಮನ ಕೊಡುತ್ತಾರೆ. ಇದೇ ಕಾರಣಕ್ಕೆ ಅವರು ಅಷ್ಟೊಂದು ಫಿಟ್ ಆಂಡ್ ಬ್ಯೂಟಿಫುಲ್ ಆಗಿರುತ್ತಾರೆ.
ಕ್ರಿಕೆಟ್ ಇಲ್ಲದಿದ್ದಾಗಲೂ ತನ್ನ ಕಠಿಣ ಅಭ್ಯಾಸ, ಡಯಟ್ ಮಾತ್ರ ಎಂದಿಗೂ ಬಿಡುವುದಿಲ್ಲ ಮಂಧಾನ. ದೈಹಿಕವಾಗಿ ಫಿಟ್ ಆಗಿರಬೇಕೆಂದರೆ ಪೋಷಕಾಂಶಯುಕ್ತ ಆಹಾರ ಸೇವಿಸುವುದು ಮುಖ್ಯ ಎಂದು ಅವರು ನಂಬುತ್ತಾರೆ. ಮೈದಾನದಲ್ಲಿ ಸುಡು ಬಿಸಿಲಿನಲ್ಲಿ ಆಡುವಾಗ ತಮ್ಮ ಮುಖದ ಕಾಂತಿ, ಚರ್ಮ ಪೇಲವವಾಗದಂತೆ ಯಾವಾಗಲೂ ಸನ್ ಸ್ಕ್ರೀನ್ ಬಳಸಲು ಮರೆಯಲ್ಲ. ಅದರ ಹೊರತಾಗಿ ಯಾವುದೇ ಮೇಕಪ್ ಮಾಡಿಕೊಳ್ಳಲ್ಲ. ಪ್ರತೀ ದಿನವೂ ಜಿಮ್ ತಪ್ಪಿಸುವುದಿಲ್ಲ.
ಕಟ್ಟುನಿಟ್ಟಿನ ಆಹಾರ ಸೇವನೆ ಮೂಲಕ ದೇಹಕ್ಕೆ ಸಾಕಷ್ಟು ಪೋಷಕಾಂಶ ಸೇರುವಂತೆ ನೋಡಿಕೊಳ್ಳುತ್ತಾರೆ. ಜೊತೆಗೆ ಪ್ರತಿನಿತ್ಯ ವರ್ಕೌಟ್ ತಪ್ಪಿಸುವುದಿಲ್ಲ. ಪ್ರತೀ ಪಂದ್ಯಕ್ಕೆ ಮುನ್ನ ಜಿಮ್ ಮಾಡದೇ ಕಣಕ್ಕಿಳಿಯಲ್ಲ. ಜಿಮ್ ನಲ್ಲಿ ರನ್ನಿಂಗ್ ನಿಂದ ಹಿಡಿದು ಭಾರ ಎತ್ತುವವರೆಗೆ ಎಲ್ಲಾ ರೀತಿಯ ಕಸರತ್ತುಗಳನ್ನೂ ಮಾಡುತ್ತಾರೆ. ಇದರಿಂದಾಗಿಯೇ ತಾವು ಫಿಟ್ ಆಗಿರುವುದು ಎಂದು ಸ್ಮೃತಿ ಹೇಳುತ್ತಾರೆ.
