ಸಾನಿಯಾ ಮಿರ್ಜಾ ಬಳಿ ಕ್ಷಮೆ ಕೇಳಿದ ಪಾಕ್ ಕ್ರಿಕೆಟಿಗ! ಕಾರಣವೇನು ಗೊತ್ತಾ?

ಹೈದರಾಬಾದ್: ಟೆನಿಸ್ ಬೆಡಗಿ ಸಾನಿಯಾ ಮಿರ್ಜಾ ಮತ್ತು ಕ್ರಿಕೆಟಿಗ ಶೊಯೇಬ್ ಮಲಿಕ್ ರದ್ದು ಇಂಡೋ-ಪಾಕ್ ವಿವಾಹ. ಇವರಿಬ್ಬರ ನಡುವೆ ಬಂದ ಪಾಕ್ ಕ್ರಿಕೆಟಿಗ ಶಹದಾಬ್ ಖಾನ್ ಸಾನಿಯಾ ಕ್ಷಮೆ ಕೋರಿದ್ದಾರೆ.

ಅಂದ ಹಾಗೆ ನಡೆದಿದ್ದು ಇದೆಲ್ಲಾ ತಮಾಷೆಗಾಗಿ! ಶ್ರೀಲಂಕಾ ವಿರುದ್ಧ ಏಕದಿನ ಸರಣಿಯಲ್ಲಿ ಮ್ಯಾನ್ ಆಫ್ ದಿ ಸೀರೀಸ್ ಬೈಕ್ ಮೇಲೆ ಕುಳಿತ ಶೊಯೇಬ್ ಫೋಟೋವನ್ನು ತಮ್ಮ ಟ್ವಿಟರ್ ಪೇಜ್ ನಲ್ಲಿ ಹಾಕಿದ ಸಾನಿಯಾ ಮಿರ್ಜಾ ‘ನಾವೊಂದು ರೈಡ್ ಹೋಗೋಣ್ವೇ?’ ಎಂದು ಪತಿ ಶೊಯೇಬ್ ಗೆ ಕೇಳಿದ್ದರು.

ಇದಕ್ಕೆ ಪ್ರತಿಕ್ರಿಯಿಸಿದ ಶೊಯೇಬ್ ‘ಖಂಡಿತಾ ಸ್ವೀಟ್ ಹಾರ್ಟ್. ಆದ್ರೆ ಬೇಗ ರೆಡಿ ಆಗಿ ಬರ್ಬೇಕು. ನಾನು ಹೊರಟಾಯ್ತು’ ಎಂದು ಉತ್ತರಿಸಿದ್ದಾರೆ. ಆಗಲೇ ಸಾನಿಯಾಗೆ ಇನ್ನೊಂದು ಫೋಟೋ ಕಾಣಿಸಿದ್ದು. ಅದರಲ್ಲಿ ಬೈಕ್ ನಲ್ಲಿ ಶೊಯೇಬ್ ಹಿಂದೆ ಪಾಕ್ ಕ್ರಿಕೆಟಿಗ ಶಹದಾಬ್ ಕೂತಿದ್ದರು.

ಹೀಗಾಗಿ ‘ಸಾರಿ.. ಆಗ್ಲೇ ಹಿಂದಿನ ಸೀಟು ಭರ್ತಿಯಾಗಿದೆ ಅನಿಸುತ್ತದೆ’ ಎಂದರು ಸಾನಿಯಾ. ಪತ್ನಿಯ ಕಾಮೆಂಟ್ ನೋಡಿ ಶೊಯೇಬ್ ಹಾಗೇನೂ ಇಲ್ಲ ಎಂದರು. ಇವರಿಬ್ಬರು ಟ್ವೀಟ್ ಲವ್  ನೋಡಿ ಅದೇನನಿಸಿತೋ ಶಹದಾಬ್ ಗೆ. ತಕ್ಷಣ ತಮ್ಮ ಟ್ವಿಟರ್ ಪೇಜ್ ಮೂಲಕ ಗಂಡ-ಹೆಂಡಿರ ನಡುವೆ ಮೂರನೆಯವನಾಗಿ ಬಂದಿದ್ದಕ್ಕೆ ಕ್ಷಮೆ ಕೋರಿದರು!

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ