ಬೆಂಗಳೂರು: ಮಾರಕ ಕೊರೋನಾ ರೋಗ ಹರಡದಂತೆ ತಡೆಯಲು ವಿಶ್ವ ಆರೋಗ್ಯ ಸಂಸ್ಥೆಯೇನೋ 20 ಸೆಕೆಂಡುಗಳ ಕೈ ತೊಳೆಯುವ ವಿಧಾನವನ್ನು ಸೂಚಿಸಿದೆ. ಆದರೆ ಹೀಗೆ ಮಾಡುವುದರಿಂದಲೂ ಕೈ ಸಂಪೂರ್ಣವಾಗಿ ಶುಚಿಯಾಗದು. ಅದಕ್ಕೆ ಕಾರಣ ನಿಮ್ಮ ಉಗುರು!
ಹೌದು. ಕೊರೋನಾ ವ್ಯಾಪಕವಾಗಿರುವ ಈ ಸಂದರ್ಭದಲ್ಲಿ ಉದ್ದ ಉಗುರು ಇದ್ದರೆ ಡೇಂಜರ್! ನಿಮ್ಮ ಉಗುರಿನಿಂದಲೇ ಹಲವು ರೋಗಗಳು ಹರಡುವುದು. ಉಗುರಿನ ನಡುವೆ ಕೊಳೆ, ವೈರಾಣು ಸಿಲುಕಿಕೊಂಡಿರುತ್ತದೆ.
20 ನಿಮಿಷ ಹ್ಯಾಂಡ್ ವಾಶ್ ಮಾಡಿದರೂ ಉದ್ದ ಉಗುರು ಇದ್ದರೆ ಸಂಪೂರ್ಣವಾಗಿ ಕೊಳೆ ನಾಶವಾಗದು. ಹೀಗಾಗಿ ಕೊರೋನಾದ ಈ ಸಮಯದಲ್ಲಿ ಉದ್ದ ಉಗುರುಗಳಿಗೆ ಗುಡ್ ಬೈ ಹೇಳಿ ಎಂದು ಆರೋಗ್ಯ ತಜ್ಞರೂ ಸಲಹೆ ನೀಡುತ್ತಾರೆ.
