ಟೀ ಮೇಲೆ ಉಂಟಾದ ಕೆನೆಯನ್ನು ತೆಗೆಯದೇ ಕುಡಿಯುತ್ತೀರಾ. ಹಾಗಾದ್ರೆ ಅಪಾಯ ಗ್ಯಾರಂಟಿ

ಬೆಂಗಳೂರು : ಹೆಚ್ಚಿನವರು ಟೀ ಕುಡಿಯುವಾಗ ಅದರ ಮೇಲೆ ಉಂಟಾದ ಕೆನೆಯನ್ನು ತೆಗೆಯದೇ ಹಾಗೇ ಕುಡಿಯುತ್ತಾರೆ. ಆದರೆ ಇನ್ನು ಮುಂದೆ ಹಾಗೆ ಮಾಡಬೇಡಿ. ಯಾಕೆಂದರೆ ಈ ಕೆನೆ ಸಹಿತ ಟೀ ಕುಡಿದರೆ ಅನಾರೋಗ್ಯ ಉಂಟಾಗಬಹುದು.

ಹಾಲಿಗಿಂತಲೂ ಕೆನೆಯಲ್ಲಿ ಹೆಚ್ಚು ಕೊಬ್ಬಿನಂಶ ಇರುತ್ತದೆ. ಹಾಲಿನಲ್ಲಿರುವುದಕ್ಕಿಂತಲೂ ಶೇ.20-36 ವರೆಗೂ ಅಧಿಕ ಕೊಬ್ಬಿನಂಶ ಇರುತ್ತದೆ. ಅದರಲ್ಲಿ ಸ್ಯಾಚುರೇಟೆಡ್ ಫ್ಯಾಟ್ಸ್, ಟ್ರಾನ್ಸ್ ಫ್ಯಾಟ್ಸ್ ಇರುತ್ತವೆ. ಇವು ನಮ್ಮ ಶರೀರಕ್ಕೆ ಸ್ವಲ್ಪ ಮಟ್ಟಿಗೆ ಅಗತ್ಯವೂ ಕೂಡ. ಹೀಗೆ ಟೀ ಮೇಲೆ ಏರ್ಪಟ್ಟ ಕೆನೆಯನ್ನು ಅಗತ್ಯಕ್ಕಿಂತಲೂ ಹೆಚ್ಚಿಗೆ ಕುಡಿದಲ್ಲಿ, ಈ ಕೊಬ್ಬು ರಕ್ತನಾಳಗಳಲ್ಲಿ ಶೇಖರಗೊಂಡು ಹೃದಯದ ಕಾಯಿಲೆ ಬರುವ ಸಂಭವವಿರುತ್ತದೆ. ಕೆಟ್ಟ ಕೊಲೆಸ್ಟ್ರಾಲ್ ಹೆಚ್ಚಾಗಿ ಒಳ್ಳೆಯ ಕೊಲೆಸ್ಟ್ರಾಲ್ ಕಡಿಮೆಯಾಗುತ್ತದೆ. ಆದುದರಿಂದ ಟೀ ಸೇವಿಸುವವರು ಕೆನೆಯನ್ನು ತೆಗೆದು ಹಾಕಿ ಕುಡಿದರೇನೇ ಒಳ್ಳೆಯದು. ಪ್ರತಿದಿನ 2 ಗ್ರಾಮುಗಳವರೆಗೂ ತಿಂದರೆ ಏನೂ ತೊಂದರೆಯಿಲ್ಲವಂತೆ. ಈ ಪ್ರಮಾಣ ಮೀರದಂತೆ ನೋಡಿಕೊಳ್ಳಬೇಕು.

ತಾಜಾ ಸುದ್ದಿಗಳನ್ನು ಓದಲು ವೆಬ್‌ದುನಿಯಾ ಮೊಬೈಲ್ ಆ್ಯಪ್ ಡೌನ್‍ ಲೋಡ್ ಮಾಡಿಕೊಳ್ಳಿ