ಕೊವಿಡ್ ರೋಗಿಯೊಬ್ಬನನ್ನು ಆತನ ಸಂಬಂಧಿಗಳಿಂದ ದೂರವಿಟ್ಟು ಆಸ್ಪತ್ರೆಯಿಂದ ಅನಧಿಕೃತವಾಗಿ ತಮ್ಮ ಮನೆಗೆ ತಗೆದುಕೊಂಡು ಹೋಗಿ ಕೊವಿಡ್ ಪ್ರೊಟೋಕಾಲ್ ಮೀರಿ ವಾರಗಟ್ಟಲೇ ಸಮಯ ಹಾಳು ಮಾಡಿ, ಆತನ ಆಸ್ತಿಪತ್ರಗಳನ್ನೆಲ್ಲಾ ತಮ್ಮ ಸುಪರ್ದಿಗೆ ತಗೆದುಕೊಂಡು ಕೊನೆಗೆ ಸಾಯುವ ಕಾಲದಲ್ಲಿ ಇನ್ನೊಂದು ಆಸ್ಪತ್ರೆಗೆ ತಗೆದುಕೊಂಡು ಡೆತ್ ಡಿಕ್ಲೆರೇಶನ್ ಮಾಡಿಸಿದ್ದಾರೆ. ಅಷ್ಟಲ್ಲದೇ ಈಗ ಸತ್ತ ಕೊವಿಡ್ ರೋಗಿಯ ಹೆಸರಲ್ಲಿ ನಕಲಿ ಕಾಗದ ಪತ್ರ ಸೃಷ್ಟಿಸಿ ಸಂಬಂಧಿಗಳಿಂದ ಹಣ ಕೀಳುವ ಬ್ಲಾಕ್ ಮೇಲ್ ತಂತ್ರವಾಗಿ ಸಂಬಂಧಿಗಳ ಮೇಲೆಯೇ ನಕಲಿ ದಾಖಲೆ ಇಟ್ಟುಕೊಂಡು ಹಣ ಕೊಡುತ್ತಿಲ್ಲವೆಂದು ದೂರು ದಾಖಲಿಸಿದ್ದಾರೆ.
