ನಿಮಿಷದಲ್ಲೇ ಆ್ಯಪಲ್ ಐಫೋನ್ X ಪ್ರೀ ಬುಕ್ಕಿಂಗ್ ನಲ್ಲಿ sold out

ಮುಂಬೈ: ಮೊಬೈಲ್ ಫೋನ್ ಗಳ ದಿಗ್ಗಜ ಆ್ಯಪಲ್ ಐಫೋನ್. ಈಗ 8 ಹಾಗೂ X ನೇ ಆವೃತ್ತಿ ರಿಲೀಸ್ ಗೆ ಕ್ಷಣಗಣನೆ ಶುರುವಾಗಿದೆ. ಈ ನಿಟ್ಟಿನಲ್ಲಿ ಆ್ಯಪಲ್ ಐಫೋನ್‌‌ X  ಬುಕ್ಕಿಂಗ್‌ ಕೇವಲ ಒಂದೇ ಒಂದು ನಿಮಿಷದಲ್ಲಿ ಮುಕ್ತಾಯವಾಗಿದೆ.

ಇಂದು ಮಧ್ಯಾಹ್ನ 12.30ಕ್ಕೆ ಶುರುವಾದ ಬುಕ್ಕಿಂಗ್ 12.31ಕ್ಕೆ ಮುಕ್ತಾಯವಾಗಿದ್ದು, ಕೇವಲ ಒಂದೇ ನಿಮಿಷದಲ್ಲಿ ಐಫೋನ್ X ಔಟ್ ಆಫ್ ಸ್ಟಾಕ್ ಆಗಿದೆ. ಈ ಮೂಲಕ ಟೆಲಿಕಾಂ ಇಂಡಸ್ಟ್ರಿಯಲ್ಲಿ ಹೊಸ ದಾಖಲೆ ಬರೆದಿದೆ. ಈಗಾಗಲೇ ಬುಕ್ಕಿಂಗ್ ಮಾಡಿದ ಫೋನ್ ವಿತರಣೆ ನ. 3ರಂದು ಶುರುವಾಗಲಿದೆ. ಫೋನ್ ಎರಡು ರೂಪಾಂತರದಲ್ಲಿ  ಬಿಡುಗಡೆಯಾಗಿದೆ. ಭಾರತದಲ್ಲಿ 64ಜಿಬಿ ಫೋನ್ ಬೆಲೆ 89 ಸಾವಿರ ರೂ., 256ಜಿಬಿ ಫೋನ್ ಬೆಲೆ 1 ಲಕ್ಷದ 2 ಸಾವಿರ ರೂ. ಇದೆ.

ಆ್ಯಪಲ್ ಮೊದಲ ಬಾರಿಗೆ OLED ಡಿಸ್‌ ಪ್ಲೇ ಪ್ಯಾನಲ್ ಅನ್ನು ಐಫೋನ್ X ನಲ್ಲಿ ಅಳವಡಿಸಿದ್ದು, 5.8 ಇಂಚಿನ ಬೇಜೆಲ್‌ ಲೆಸ್ ಸ್ಕ್ರೀನ್ ಸೂಪರ್ ರೆಟೀನಾ 2436 x 1125 ಪಿಕ್ಸಲ್ ಗುಣಮಟ್ಟದ್ದಾಗಿದೆ. ಐಫೋನ್ X ನಲ್ಲಿ 12 MP ಡ್ಯುಯಲ್ ಕ್ಯಾಮೆರಾ ಇದೆ. ಇದರಲ್ಲಿ ವೈಡ್ ಆ್ಯಂಗಲ್ ಲೆನ್ಸ್ f/1.8 ಅಪಾರ್ಚರ್ ಹೊಂದಿದ್ದು, ಟೆಲಿಲೆನ್ಸ್ f/2.4 ಅಪಾರ್ಚರ್ ನಲ್ಲಿ ಫೋಟೊ ಕ್ಲಿಕ್ ಮಾಡಲಿದೆ. ಇದಲ್ಲದೆ. ಡ್ಯುಯಲ್ ಟೋನ್ LED ಫ್ಲಾಷ್ ಇರೋದು ಇದರ ವಿಶೇಷ.