ಐಪಿಎಲ್ 2024: ಮುಂಬೈ ಇಂಡಿಯನ್ಸ್ ಪಂದ್ಯ ವೀಕ್ಷಿಸಲು ಬಂದ ಹರ್ಮನ್ ಪ್ರೀತ್ ಕೌರ್
ಹರ್ಮನ್ ಪ್ರೀತ್ ಕೌರ್ ಮುಂಬೈ ಇಂಡಿಯನ್ಸ್ ಮಹಿಳಾ ತಂಡದ ನಾಯಕಿ. ಚೊಚ್ಚಲ ಆವೃತ್ತಿಯಲ್ಲೇ ತಂಡಕ್ಕೆ ಕಪ್ ಗೆದ್ದುಕೊಟ್ಟವರು. ಆದರೆ ಈ ಬಾರಿ ಯಾಕೋ ಮುಂಬೈ ಇಂಡಿಯನ್ಸ್ ಸೆಮಿಫೈನಲ್ ನಲ್ಲೇ ಸೋತು ನಿರ್ಗಮಿಸಿತ್ತು. ಆರ್ ಸಿಬಿ ಚಾಂಪಿಯನ್ ಆಗಿ ಹೊರಹೊಮ್ಮಿತ್ತು.
ನಿನ್ನೆ ಮೊಹಾಲಿಯಲ್ಲಿ ನಡೆದಿದ್ದ ಪಂಜಾಬ್ ಕಿಂಗ್ಸ್ ವಿರುದ್ಧದ ಪಂದ್ಯ ವೀಕ್ಷಿಸಲು ಹರ್ಮನ್ ಪ್ರೀತ್ ಕೌರ್ ಮೈದಾನಕ್ಕೆ ಬಂದಿದ್ದಾರೆ. ಮುಂಬೈ ಫ್ಲ್ಯಾಗ್ ಹಿಡಿದು ತಂಡಕ್ಕೆ ಚಿಯರ್ ಅಪ್ ಮಾಡಿದ್ದಾರೆ. ಹರ್ಮನ್ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ಪ್ರಕಟಿಸಿದ ಮುಂಬೈ ತಂಡ ನಮ್ಮ ತಂಡಕ್ಕೆ ಚಿಯರ್ ಮಾಡಲು ಯಾರು ಬಂದಿದ್ದಾರೆ ನೋಡಿ ಎಂದು ಖುಷಿ ಹಂಚಿಕೊಂಡಿದೆ.
ಹರ್ಮನ್ ಪ್ರೀತ್ ಕೌರ್ ಮುಂಬೈ ಪರ ಐಪಿಎಲ್ ಆಡುತ್ತಿದ್ದರೂ ಅವರು ಮೂಲತಃ ಪಂಜಾಬ್ ನವರು. ಚಂಢೀಘಡ ಮೂಲದವರು. ಹೀಗಾಗಿ ತಮ್ಮ ತವರು ನೆಲದಲ್ಲಿ ಮುಂಬೈ ತಂಡ ಆಡುವುದನ್ನು ನೋಡಲು ಅವರು ಮೈದಾನಕ್ಕೆ ಬಂದಿದ್ದರು. ಹರ್ಮನ್ ನೋಡಿ ಅಭಿಮಾನಿಗಳೂ ಖುಷಿಪಟ್ಟಿದ್ದಾರೆ.
