ಟೀಂ ಇಂಡಿಯಾದೊಳಗೆ ಒಬ್ಬರಿಗೊಬ್ಬರು ಟೀಕೆ ಮಾಡಿಕೊಳ್ಳುತ್ತೇವೆ: ಕೆಎಲ್ ರಾಹುಲ್
ಆರಂಭಿಕರಾಗಿ ಮತ್ತಷ್ಟು ಸುಧಾರಿಸಲು ತಾವು ಪ್ರಯತ್ನಿಸುತ್ತಿರುವುದಾಗಿ ಕೆಎಲ್ ರಾಹುಲ್ ಈ ವೇಳೆ ಹೇಳಿಕೊಂಡಿದ್ದಾರೆ. ಈ ಮೊದಲು ನಾಯಕ ರೋಹಿತ್ ಶರ್ಮಾ ಕೆಎಲ್ ರಾಹುಲ್ ಆರಂಭಿಕರಾಗಿಯೇ ಮುಂದುವರಿಯುತ್ತಾರೆ ಎಂದು ಸುಳಿವು ನೀಡಿದ್ದರು.
‘ಟೀಕೆಗಳು ನಮಗೆ ಹೊಸತಲ್ಲ. ನೀವು ಹೊರಗಿನಿಂದ ನಮ್ಮ ಬಗ್ಗೆ ಟೀಕೆ ಮಾಡುವುದಕ್ಕಿಂತ ಹೆಚ್ಚು ನಾವು ಡ್ರೆಸ್ಸಿಂಗ್ ರೂಂ ಒಳಗೆ ಒಬ್ಬರನ್ನೊಬ್ಬರು ಟೀಕೆ ಮಾಡುತ್ತೇವೆ. ನಾವು ದೇಶಕ್ಕಾಗಿ ಆಡುತ್ತೇವೆ. ಗೆಲುವನ್ನೇ ಕನಸು ಕಾಣುತ್ತೇವೆ. ಸೋತಾಗ ನಿರಾಸೆಯಾಗುತ್ತದೆ. ಆದರೆ ಸಹ ಆಟಗಾರರು, ಸಹಾಯಕ ಸಿಬ್ಬಂದಿಗಳು ನಮಗೆ ಬೆಂಬಲ ವ್ಯಕ್ತಪಡಿಸುತ್ತಾರೆ. ಅದು ಮುಖ್ಯ’ ಎಂದು ರಾಹುಲ್ ಹೇಳಿದ್ದಾರೆ.
