ಐಪಿಎಲ್ ಗೆದ್ದ ಕೆಕೆಆರ್ ಮಾಲಿಕ ಶಾರುಖ್ ಖಾನ್ ಗೆ ಸಿಗುವ ಹಣವೆಷ್ಟು
ಐಪಿಎಲ್ ಗೆದ್ದ ತಂಡಕ್ಕೆ ಬಹುಮಾನ ರೂಪದಲ್ಲಿ 20 ಕೋಟಿ ರೂ. ನಗದು ಸಿಗುತ್ತದೆ. ರನ್ನರ್ ಅಪ್ ಆದ ತಂಡ 13 ಕೋಟಿ ರೂ. ಜೇಬಿಗಿಳಿಸುತ್ತದೆ. ಆದರೆ ತಂಡದ ಮಾಲಿಕರು ಗಳಿಸುವ ಹಣ ಇದರ ನಾಲ್ಕೈದು ಪಟ್ಟು ಹೆಚ್ಚಾಗಿರುತ್ತದೆ.
ಐಪಿಎಲ್ ಗೆದ್ದ ತಂಡದ ಮಾಲಿಕರಿಗೆ 150 ಕೋಟಿ ರೂ.ಗಳಷ್ಟು ಆದಾಯ ಬರುತ್ತದೆ. ಕೆಕೆಆರ್ ತಂಡದಲ್ಲಿ ಶಾರುಖ್ ಖಾನ್ ಮತ್ತು ನಟಿ ಜ್ಯೂಹಿ ಚಾವ್ಲಾ ದಂಪತಿ ಜಂಟಿಯಾಗಿ ಮಾಲಿಕತ್ವ ಹೊಂದಿದ್ದಾರೆ. ಶಾರುಖ್ ಪಾಲು ಶೇ.55 ರಷ್ಟಿದೆ.
ಹೀಗಾಗಿ ಶಾರುಖ್ ಈ ಐಪಿಎಲ್ ಗೆಲುವಿನೊಂದಿಗೆ ಸರಿಸುಮಾರು 60-70 ಕೋಟಿ ರೂ. ಪಾಲು ಪಡೆಯಲಿದ್ದಾರೆ ಎನ್ನಲಾಗಿದೆ. ಸಿನಿಮಾ, ಪ್ರೊಡಕ್ಷನ್ ಸಂಸ್ಥೆ, ಜಾಹೀರಾತುಗಳಿಂದ ಕೋಟ್ಯಾಂತರ ರೂಪಾಯಿ ಆದಾಯ ಗಳಿಸುವ ಶಾರುಖ್ ಗೆ ಐಪಿಎಲ್ ಕೂಡಾ ಅತ್ಯುತ್ತಮ ಆದಾಯ ನೀಡುತ್ತಿದೆ.
