ದಂಬುಲಾ: ಭಾರತ ಮಹಿಳಾ ಕ್ರಿಕೆಟ್ ತಂಡದ ಕ್ವೀನ್ ಸ್ಮೃತಿ ಮಂದಾನಾ ನಿನ್ನೆ ತಮ್ಮ ಹುಟ್ಟುಹಬ್ಬ ಆಚರಿಸಿಕೊಂಡಿದ್ದರು. ಭಾರತ ತಂಡದ ತಮ್ಮ ಸ್ನೇಹಿತೆಯರೊಂದಿಗೆ ಸ್ಮೃತಿ ಹುಟ್ಟುಹಬ್ಬ ಆಚರಿಸಿದ ಫೋಟೋ ವೈರಲ್ ಆಗಿತ್ತು.
ಭಾರತ ಮಹಿಳಾ ಕ್ರಿಕೆಟ್ ತಂಡ ಜೆಮಿಮಾ ರೊಡ್ರಿಗಸ್ ಸೇರಿದಂತೆ ಸ್ಮೃತಿ ಆಪ್ತ ವಲಯದಲ್ಲಿರುವ ಕ್ರಿಕೆಟಿಗರ ಜೊತೆ ಹುಟ್ಟುಹಬ್ಬ ಆಚರಿಸಿದ ಕ್ಷಣಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ಪ್ರಕಟಿಸಿದ್ದರು. ಈ ಫೋಟೋದಲ್ಲಿ ಸ್ಮೃತಿ ಬಾಯ್ ಫ್ರೆಂಡ್ ಪಾಲಾಶ್ ಮುಚ್ಚಲ್ ಕೂಡಾ ಇದ್ದರು.
ಯಾಕೋ ನೆಟ್ಟಿಗರಿಗೆ ಇತ್ತೀಚೆಗೆ ಸ್ಮೃತಿ ಜೊತೆಗೆ ಪಾಲಾಶ್ ಕಂಡರೆ ಯಾಕೋ ಹೊಟ್ಟೆ ಉರಿಯಾಗುತ್ತದೆ. ಸ್ಮೃತಿ ಎಷ್ಟೋ ಜನರ ಕ್ರಶ್. ತಮ್ಮ ಕ್ರಶ್ ಬಾಯ್ ಫ್ರೆಂಡ್ ಜೊತೆಗಿರುವುದನ್ನು ನೋಡಲು ಹುಡುಗರಿಗೆ ನೋವಾಗುತ್ತದೆ. ಇದೇ ಕಾರಣಕ್ಕೆ ಇಬ್ಬರೂ ಜೊತೆಗಿರುವ ಫೋಟೋ ಪ್ರಕಟಿಸಿದರೆ ಸಾಕು ಬೇಸರದಲ್ಲೇ ಕಾಮೆಂಟ್ ಮಾಡುತ್ತಿರುತ್ತಾರೆ.
ಇದೀಗ ಹುಟ್ಟುಹಬ್ಬ ಪಾರ್ಟಿಯಲ್ಲೂ ಸ್ಮೃತಿ, ಪಾಲಾಶ್ ಜೊತೆಗಿರುವುದನ್ನು ನೋಡಿ ನೆಟ್ಟಿಗರು ಮೊದಲು ಆ ಹುಡುಗಿಯರ ಗುಂಪಿನಿಂದ ಆ ಹುಡುಗನನ್ನು ಆಚೆ ಎಳೆದು ಹೊರಗೆ ಹಾಕಿ ಎಂದಿದ್ದಾರೆ. ಮತ್ತೆ ಕೆಲವರು ಯಾಕೆ ಸ್ಮೃತಿ ಪದೇ ಪದೇ ಈತನ ಜೊತೆಗಿರುವ ಫೋಟೋ ಹಾಕಿ ನಮ್ಮ ಹೊಟ್ಟೆ ಉರಿಸುತ್ತೀರಿ ಎಂದಿದ್ದಾರೆ.
