ಇಳಿಸಂಜೆಯ ಸಮಯದಲ್ಲಿ, ಊಟದ ಜೊತೆಗೆ, ಬಿಡುವಾದಾಗ ಹೀಗೆ ನಾವು ದಿನನಿತ್ಯ ನಾವು ಚಾಟ್ಸ್‌ಗಳನ್ನು ತಿನ್ನುತ್ತಲೇ ಇರುತ್ತೇವೆ. ಅದು ದಾರಿಯ ಮಧ್ಯದಲ್ಲಿ, ಆಫೀಸಿನಿಂದ ಮನೆಗೆ ಹಿಂದಿರುವಾಗ, ಶಾಲೆಯಿಂದ ಮರಳುವಾಗ ಆದರೂ ಆಗಬಹುದು. ಅದರಲ್ಲಿಯೂ ಚಿಕ್ಕ ಮಕ್ಕಳಿಗೆ ಇಂತಹ ತಿಂಡಿಗಳೆಂದರೆ ಪಂಚಪ್ರಾಣ.
ಮೊದಲು ಒಂದು ಬಾಣಲೆಯಲ್ಲಿ ಎಣ್ಣೆಯನ್ನು ಕಾಯಿಸಿ ಅದರಲ್ಲಿ ಸಾಸಿವೆಯನ್ನು ಹಾಕಿ ಈರುಳ್ಳಿ, ಕ್ಯಾಪ್ಸಿಕಮ್ ಮತ್ತು ಕ್ಯಾರೆಟ್ ಅನ್ನು ಹುರಿದುಕೊಳ್ಳಬೇಕು. ನಂತರ ಬಟಾಣಿ, ಆಲೂಗಡ್ಡೆಯನ್ನು ಬೆರೆಸಿ ಗರಂ ಮಸಾಲಾ, ಕೆಂಪು ಮೆಣಸಿನ ಪುಡಿಯನ್ನು ಹಾಕಿ 10 ನಿಮಿಷ ಚೆನ್ನಾಗಿ ತಿರುಗಿಸಬೇಕು. ಅದನ್ನು ತಣ್ಣಗಾಗಲು ಬಿಡಬೇಕು. ನಂತರ ಪಫ್ ಶೀಟ್‌ನಲ್ಲಿ ಈ ಪಲ್ಯದ ಮಿಶ್ರಣವನ್ನು ಸೇರಿಸಿ ಮುಚ್ಚಬೇಕು. ನಂತರ ಓವೆನ್‌ನಲ್ಲಿ 40 ನಿಮಿಷ ಇದನ್ನು ಬೇಯಿಸಿದರೆ ವೆಜಿಟೇಬಲ್ ಪಫ್ ರೆಡಿಯಾಗಿರುತ್ತದೆ. ಇದರೊಂದಿಗೆ ಚಟ್ನಿಯನ್ನು ತಯಾರಿಸಿಕೊಂಡು ತಿಂದರೆ ಇನ್ನೂ ರುಚಿಯಾಗಿರುತ್ತದೆ.
