ಅಂತಹುದರಲ್ಲಿ ಪುಳಿಯೊಗರೆ ಗೊಜ್ಜು ಅನ್ನ, ವಾಂಗೀಬಾತ್‌ಗಳ ಸಾಲಿನಲ್ಲಿ ಮಾವಿನಕಾಯಿ ಗೊಜ್ಜು ಅನ್ನ ಕೂಡಾ ಒಂದು. ಈ ಗೊಜ್ಜನ್ನು ಒಂದು ಸಲ ಮಾಡಿಕೊಂಡರೆ ನಂತರ ಬೇಕಾದಾಗ ಅದಕ್ಕೆ ಅನ್ನವನ್ನು ಕಲೆಸಿ ತಿನ್ನಬಹುದು. ಹಾಗಾದರೆ ಮಾವುನಕಾಯಿ ಗೊಜ್ಜು ಅನ್ನವನ್ನು ಮಾಡುವುದು ಹೇಗೆ ಎಂದು ಹೇಳ್ತೀವಿ.. ನೀವೂ ಒಮ್ಮೆ ಟ್ರೈ ಮಾಡಿ ನೋಡಿ..
* ಅನ್ನ
ತಯಾರಿಸುವ ವಿಧಾನ :
ಮೊದಲು 1 ದೊಡ್ಡ ಹುಳಿ ಮಾವಿನಕಾಯಿಯನ್ನು ತುರಿದಿಟ್ಟುಕೊಳ್ಳಬೇಕು. ನಂತರ 1 ಟೀ ಚಮಚ ಸಾಸಿವೆ, 1 ಟೀ ಚಮಚ ಮೆಂತ್ಯವನ್ನು ಹುರಿದು ಪುಡಿ ಮಾಡಿಟ್ಟುಕೊಳ್ಳಬೇಕು. ಇದರೊಂದಿಗೆ 15 ರಿಂದ 20 ಒಣಮೆಣಸಿನಕಾಯಿಯನ್ನು ಸ್ವಲ್ಪ ಎಣ್ಣೆ ಹಾಕಿ ಹುರಿದು ಅದಕ್ಕೆ ಮೆಂತ್ಯ, ಸಾಸಿವೆಯೊಂದಿಗೆ ಪುಡಿ ಮಾಡಬೇಕು. ನಂತರ ಬಾಣಲೆಗೆ 5 ಚಮಚ ಎಣ್ಣೆಯನ್ನು ಹಾಕಿ ಒಗ್ಗರಣೆಗೆ ಸಾಸಿವೆ, ಕಡಲೇಬೇಳೆ, ಉದ್ದಿನಬೇಳೆ, ಕರಿಬೇವು, ಇಂಗು ಹಾಕಿ ಈಗಾಗಲೇ ತುರಿದ ಮಾವಿನಕಾಯಿಯನ್ನು ಹಾಕಿ ಎಣ್ಣೆಯಲ್ಲಿ ಬೇಯಿಸಬೇಕು (ನೀರು ಹಾಕಬಾರದು) ನಂತರ ಮೆಣಸಿನಕಾಯಿ ಪುಡಿ, ಸಾಸಿವೆ, ಮೆಂತ್ಯಪುಡಿ, ರುಚಿಗೆ ತಕ್ಕಷ್ಟು ಉಪ್ಪು, ಬೆಲ್ಲವನ್ನು ಹಾಕಿ ಕಲೆಸಬೇಕು. ಈ ಮಿಶ್ರಣವನ್ನು ಕಡಿಮೆ ಉರಿಯಲ್ಲಿ 6 ರಿಂದ 7 ನಿಮಿಷ ಬೇಯಿಸಿದರೆ ರುಚಿಯಾದ ಮಾವಿನಕಾಯಿ ಗೊಜ್ಜು ರೆಡಿ. ಈ ಗೊಜ್ಜನ್ನು ನಿಮಗೆ ಬೇಕಾದಾಗ ಅನ್ನದೊಂದಿಗೆ ಕಲೆಸಿಕೊಂಡು ತಿನ್ನಬಹುದು.
