ಗುವಾಹಟಿಗೆ ಬಂದಿಳಿದ ವಿರಾಟ್ ಕೊಹ್ಲಿಯನ್ನು ನೋಡಿ ಚೀಕೂ ಎಂದ ಅಭಿಮಾನಿಗಳು

ಗುವಾಹಟಿ: ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಿನ ಮೊದಲ ಏಕದಿನ ಪಂದ್ಯವಾಡಲು ಅಸ್ಸಾಂನ ಗುವಾಹಟಿಗೆ ಬಂದಿಳಿದ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿಗೆ ಅಭಿಮಾನಿಗಳು ಪ್ರೀತಿಯ ಸ್ವಾಗತ ಕೋರಿದ್ದಾರೆ.

ವಿಮಾನ ನಿಲ್ದಾಣದಲ್ಲಿ ಭಾರೀ ಭದ್ರತೆಯ ನಡುವೆ ಬಂದ ಕೊಹ್ಲಿ ತಮ್ಮ ಕಾರಿನೆಡೆಗೆ ಸಾಗುತ್ತಿದ್ದಂತೆ ಅವರನ್ನು ಕಣ್ತುಂಬಿಕೊಳ್ಳಲು ಬಂದಿದ್ದ ಅಭಿಮಾನಿಗಳು ‘ಚೀಕೂ.. ಚೀಕೂ’ ಎಂದು ಕರೆದರು. ಆದರೆ ಕೊಹ್ಲಿ ತಮ್ಮ ಪಾಡಿಗೆ ತಾವು ಕಾರಿನಲ್ಲಿ ಕೂತು ಮುಂದೆ ಸಾಗಿದರು.

ಮೊಲದ ಕಿವಿಯಂತಹ ಕಿವಿ ಹೊಂದಿರುವ ಕೊಹ್ಲಿಗೆ ಧೋನಿ ಚೀಕೂ ಎಂಬ ಹೆಸರಿಟ್ಟಿದ್ದರು ಎಂದು ಹಿಂದೊಮ್ಮೆ ಅವರೇ ಹೇಳಿಕೊಂಡಿದ್ದರು. ಈಗಲೂ ಮೈದಾನದಲ್ಲಿ ಧೋನಿ ಕೊಹ್ಲಿಯನ್ನು ಇದೇ ಹೆಸರಿನಿಂದ ಕರೆಯುತ್ತಾರೆ. ಅದೇ ಹೆಸರನ್ನು ಇದೀಗ ಅಭಿಮಾನಿಗಳು ಪ್ರೀತಿಯಿಂದ ಕರೆದು ತಮ್ಮ ಅಭಿಮಾನ ವ್ಯಕ್ತಪಡಿಸಿದ್ದಾರೆ.

ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿಕೊಳ್ಳಿ.