ಮ್ಯಾರಥಾನ್ ಇನಿಂಗ್ಸ್ ಆಡಿಯೂ ಚೇತೇಶ್ವರ ಪೂಜಾರಗೆ ಸಹ ಕ್ರಿಕೆಟಿಗರ ಕಾಟ ತಪ್ಪಲಿಲ್ಲ!
ಭಾನುವಾರ, 6 ಜನವರಿ 2019 (08:45 IST)
ಸಿಡ್ನಿ: ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ ನಡೆಯುತ್ತಿರುವ ನಾಲ್ಕನೇ ಟೆಸ್ಟ್ ಪಂದ್ಯದ ಮೊದಲ ಇನಿಂಗ್ಸ್ ನಲ್ಲಿ 193 ರನ್ ಗಳ ಮ್ಯಾರಥಾನ್ ಇನಿಂಗ್ಸ್ ಆಡಿ ಪೂಜಾರ ಎದುರಾಳಿಗಳಿಂದಲೂ ಶಹಬ್ಬಾಶ್ ಪಡೆದರು.
ಆದರೆ ಟೀಂ ಇಂಡಿಯಾದ ಅವರ ಗೆಳೆಯರೇ ಇದೀಗ ಪೂಜಾರರನ್ನು ಕಿಚಾಯಿಸುತ್ತಿದ್ದಾರೆ. ಅದಕ್ಕೆ ಕಾರಣ ಪೂಜಾರ ಆಟದ ಸ್ಟೈಲ್.
ಬ್ಯಾಟಿಂಗ್ ಮಾಡುವಾಗ ಪೂಜಾರರ ಶಾಂತ ಸ್ವಭಾವ, ಸುತ್ತಲಿದ್ದವರೂ ಏನೇ ಹೇಳಿದರೂ ತಲೆಕೆಡಿಸಿಕೊಳ್ಳದೇ ತಮ್ಮ ಪಾಡಿಗೆ ಆಡುವ ಶೈಲಿಯನ್ನು ನೋಡಿ ಸಹ ಆಟಗಾರರಾದ ರವಿಚಂದ್ರನ್ ಅಶ್ವಿನ್, ಫಿಟ್ನೆಸ್ ಗುರು ಶಂಕರ್ ಬಸು ತಮ್ಮನ್ನು ವೈಟ್ ವಾಕರ್ ಎಂದು ತಮಾಷೆ ಮಾಡುತ್ತಿದ್ದಾರಂತೆ. ಪೂಜಾರ ಬ್ಯಾಟಿಂಗ್ ಶೈಲಿಗೆ ಮರುಳಾಗಿರುವ ಸಹ ಆಟಗಾರರು ಅಭಿಮಾನದಿಂದಲೇ ಪೂಜಾರಗೆ ಗೇಮ್ ಆಫ್ ಥ್ರೋನ್ ಕ್ಯಾರೆಕ್ಟರ್ ವಾಕರ್ ಗೆ ಹೋಲಿಕೆ ಮಾಡುತ್ತಿದ್ದಾರಂತೆ. ಸ್ವತಃ ಪೂಜಾರ ಸಂದರ್ಶನದಲ್ಲಿ ಈ ವಿಚಾರವನ್ನು ಹೇಳಿಕೊಂಡಿದ್ದಾರೆ.
ತಾಜಾ ಸುದ್ದಿಗಳನ್ನು ಓದಲು ವೆಬ್ ದುನಿಯಾ ಮೊಬೈಲ್ ಆಪ್ ಡೌನ್ ಲೋಡ್ ಮಾಡಿ
