ನೀನು ಮಾಡಿದ್ದು ಕ್ಯಾಪ್ಟನ್ ಆಗಿ ನಾನೇ ನೋಡಿಲ್ಲ: ಕುಲದೀಪ್ ಯಾದವ್ ಕಾಲೆಳೆದ ರೋಹಿತ್ ಶರ್ಮಾ
ಟಿ20 ವಿಶ್ವಕಪ್ ಆಡಲು ನ್ಯೂಯಾರ್ಕ್ ಗೆ ತೆರಳಿರುವ ಟೀಂ ಇಂಡಿಯಾ ಆಟಗಾರರು ಐಸಿಸಿ ವರ್ಷದ ಏಕದಿನ ತಂಡ ಕ್ಯಾಪ್ ಪಡೆಯಲು ಜೊತೆ ಸೇರಿದ್ದಾರೆ. ಟೀಂ ಇಂಡಿಯಾ ಹೊಸ ಜೆರ್ಸಿಯಲ್ಲಿ ಎಲ್ಲಾ ಆಟಗಾರರೂ ಮಿಂಚಿದ್ದಾರೆ.
ಪರಸ್ಪರ ಆಟಗಾರರು ಐಸಿಸಿ ಗೌರವದ ಕ್ಯಾಪ್ ಪಡೆದುಕೊಂಡು ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡಿದ್ದಾರೆ. ಈ ವೇಳೆ ಕುಲದೀಪ್ ಯಾದವ್ ತಮ್ಮ ಸರದಿ ಬಂದಾಗ ಕಳೆದ ವರ್ಷ ಬೌಲರ್ ಆಗಿ ಮಾತ್ರವಲ್ಲ, ಬ್ಯಾಟಿಗನಾಗಿಯೂ ತಂಡಕ್ಕೆ ಕೊಡುಗೆ ನೀಡಿದ್ದರಲ್ಲಿ ಸಂತೋಷವಿದೆ ಎಂದಿದ್ದಾರೆ.
ಇದನ್ನು ಕೇಳಿಸಿಕೊಂಡ ರೋಹಿತ್ ನೀನು ಯಾವಾಗ ಬ್ಯಾಟಿಂಗ್ ಮಾಡಿದ್ದು ನಾನು ತಂಡದ ಕ್ಯಾಪ್ಟನ್ ಆಗಿದ್ದರೂ ನೋಡಿಯೇ ಇಲ್ಲ ಎಂದು ಕಾಲೆಳೆದಿದ್ದಾರೆ. ಕುಲದೀಪ್ ಗೆ ಮುಂದೆ ಮಾತನಾಡಲು ಅವಕಾಶವೂ ನೀಡದೇ ರೋಹತ್ ಚುಡಾಯಿಸಿದ್ದಾರೆ. ಬಳಿಕ ಕುಲದೀಪ್ ನಗುತ್ತಾ ಸುಮ್ಮನಾಗಬೇಕಾಯಿತು. ಈ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.
